ERBGHIN SENA SAN VALENTIN

 

Xjaħna w ilna miżżewġin għal erbghin sena

​Ghandna sbatax neputijiet minn erba’ t’tfal

unità ta’ mħabba li ddum dawn is-snin kollha

aħna wkoll ħadnna s-sehem minn problemi.

 

Ikla sempliċi mixwija ppreparata

flixkun inbid aħmar irħis

torta tat-tuffieħ u custard għall-dizerta

ċelebrazzjoni sempliċi għal San Valentin.

 

X'għandna bżonn iktar f'Jum San Valentin?

għexna flimkien sena wara sena

fetħet ir-rigal li tajta, kaxxa helwa tat-Tork

għajnejha ghalkemm għajjenin xerdu demgħa.

 

Ċelebrazzjoni oħra ta' San Valentin ġiet u marret

bit-tama sena oħra nreghu niccelebraw.

​

IS-SALVAZZJONI TIEGĦI

 

Funzjoni wara funzjoni

sforzi bla tmiem

fil-paċi ninsab ghalissa

m'għandi x'nuri xejn.

 

Is-salvazzjoni tiegħi hija wisq 'il bogħod

drawwiet perikolużi miksura

ħajja meqruda għalkollox

ma kelli gost ta’ xejn

 

PAGLIACCIO

 

wiċċumimli bid-dmugħ

xuffteħ niexfa

l-buffu jinsab mdejjaq

 

ĦARĠA F’ĦANUT TAX-XORB

 

Ġlieda kbira fil-ħanut tax-xorb

imħallta min daħq falz,

għaliex l-alkoħol jitkellem ħafna fil-vojt;

Jien ma dħaqtx,

imma tbissimt tbissima sfurzata.

 

Ġlieda kbira fil-ħanut tax-xorb

daqqiet ta’ ponn kienu qishom vleġeġ.

 

MHUX APPARTENENTI

 

Il-figuri spettrali f’knisja antika u mhux xierqa,

firien kbar ifittxu l-ikel,

sagristija tedjanti.

 

Fuq għarkupptejhom imdejqin,

Kien hemm bissftit nies.

 

għatsu wieħed wara l-ieħor

Influwenza kullimkien

il-qassis medjokri ftit anzjan jagħti barka mhux mixtieqa,

barra mill-knisja, il-kongregazzjoni hija aktar ferħana.

 

REBBIEGĦA

 

Rebbiegħa ta’ fjuri mill-isbah,

żiffa ħafifa titħallat ma xemx kiesħa

sħab trasparenti sporadiku jiċċaqaqu malajr.

 

Waqt in-namrati fuq il-haxix mingħajr prudenza

ma lissenx kelma waħda,

baxxejt rasi diżgustat,

Warda friska ħarset lejja u tbissmitli.

 

IN-NIKET TA’ PITIRROSS

 

ittir bir-riħ fuq wiċċu

dmugħ f’għajnejn il-pitiross

minghajr konsolazzjoni

​

DWAR IL-MEWT

 

Hemm xi ħaġa dwarha, l-mewt

hija inevitabbli,

konklussiva,

Twerwer bost minn nies.....

.....Għal xi wħud!

Jien ma nibżax minnha,

hija l-uniku ħsieb pożittiv li għandi.

Nibża’ biss mid-dikjarazzjonijiet tagħha,

bħall-ipokriti,

is-solitudni,

id-dgħufija u l-uġigħ.

 

Nibża’ mid-dipressjoni u s-senilità;

nibża’ l’aktar mit-tradiment,

imma mhux mill-mewt!

Għax il-mewt tafferma mill-ġdid ħajti

mhux biex tiċħad dak il-mument,

għax in-natura tagħmel li trid,

u kif trid istantanjament.

 

Mewt, tibża’ minnha, għaliex?

Sakemm xi ħaġa ma tmutx ġewwa fija,

u nispicca minghajr kuxjenza jew rimors

Imbagħad nibqa jaj bies nsewwi l’hsara naturali.

​

FERROVIJA GĦALL-ELAZZJONI

 

Il-mina tal-ferrovija dehret b’mod ċar,

il-ferrovija ħarġet bħal serp jitkaxkar,

bil-mod, il-mod, il-mod....

 

bil-veduta pittoreska,

il-mergħa li tappartjeni lin-natura,

Dahlet u baqghet f’moħħi.

 

Madwari kien hemm sieket kbir,

kont intlift f'ewforija stabbilita.

​

NARA L-MAREA

 

L-ilmijiet tal-kanal dejjaq

immewġin malajr fuq ir-ramel,

il-ħmieġ ragħwi ħa l-ħajja,

iffurmaw bżieżaq,

espandew u sparixxew.

 

Magħha ġie l-iskart li kien qed jinġarr mill il-mili tal-baħar,

ta’ weraq niexef,alka tinten, u friegħi;

konsegwenza ta' dan kollu hija r-riħ qawwija tal-ħarifa.

 

Tard wara nofsinhar, hekk kif ix-xemx tqawwiet mill gdid,

tixgħel lejn il-punent,

dalwaqt kienet se tinbidel fi krimżi skura,

qabel ma jaslu s-sħab suwed ta' billejl.

​

NARA DAK KOLLU LI GĦANDI BŻONN NARA

 

M'għandix bżonn inħares lejn l-istampa aktar minn darba;

naf x'tirrappreżenta f'moħħi;

hija viżjoni kondiviża li żżurni regolarment,

għax hija laqgħa ta' tip illużjoninarju.

 

Nara id moħbija bi tliet swaba’ tipprova taqbadli għonqi,

ġej minn wara ċ-ċpar ohxon fil-fatt, ma hija hlief bebbuxu ikraħ;

f’dak il-mument il-ħsibijiet tumultuż jikkontribwixxu diżordni

dan isejh wara li nkun hadt droga alluċinoġenika.

 

Hekk kif l’immaginazzjoni tasal fiċ-ċentru tiltaqa’ maċ-ċpar trasparenti,

nara għajnejja, b’dawk il-pupilli distinti ħodor jiddu……

…jaraw karnival ta’ briegħed jaqbżu u jappartjenu fuq lill-kelb;

għax f’nofs din il-viżjoni kollha, nara mara mingħajr gharwiena.

 

Ghalkemm bla ma ridt hadt gost bl-allcinazzjoni

għax huwa aħjar li nsolvi l-labirint ta’ moħħi milli l-problemi ta’ ħajti.

F’ħajti ma nara sinifikanti, imma f’din il-vizzjoni narani imwieled mill-ġdid;

ħuwa ferm aħjar li ngħix diżordni tal anarkija milli ngħix fil-konflitti.

​

RIĦ XOTT MILL-LVANT

 

Imħawwad u mfixkel il-baħar,

bil-mewġ irrabjati jħabtu fuq blat aħrax,

b’konsegwenza tar-riħ qawwi mil-lvant.

Il-gawwi f’diffikultà isib it-titjir,

iduru u jogħdsu fuq ir-ragħwa tal-bahar qawwi,

In-nuqqas ta’ ikel kien qed itturmenta l-gawwi.

 

Ħuggiega taqbad fuq bajja ramlija,

hekk kif vapur merkantili jbaħħar,

osservat minn koppja waqt li jitbewsu u jitgħannqu.

​

ĠURNATA TAX-XITA

 

Siekta huma t-toroq tal-kummerċ,

sid il-ħanut ħass qalbu tħabbat,

ix-xita niżlet b’qawwa tremenda,

ix-xerrejja baqghu d-dar,

Ħoss ta’ ragħad -

​is-sema iswed kienet mimlija bi sriep tad-deheb.

 

F'daqqa waħda, ħassejt bħallikieku kelli ħolma kerha......

iżda kont imqajjem għal kollox u miexi fit-toroq moħbija.

​

IMĦABBA MUNDANA

 

Naħseb li għandi mħabba mondana,

ma nafx il-valuri u l-aspettattivi tagħha;

iżda taħt l-allużjoni nġib ruħi ħażin.

Imhabti moħbija fil-qabar tiegħi

hekk kif nixtieq l-infatwazzjonijiet tan-nisa,

naħseb li għandi passjoni mondana,

naf il-valuri u l-aspettattivi tagħha

hija għoqda ta' mħabba.

 

MINN WIEĦED SA GĦAXRA

 

Saba' l-kbir u s-saba' l-werrej jagħfsu fuq mohhi,

id-dipressjoni hija profonda;

id-dwejjaq li jdawwarni,

l-inbid ma jistax iġagħalni norqod.

 

Il-burdata,

mhijiex tajba ħafna;

dejjem nara t-taħsir,

hekk kif il-moħħ jitbiegħed,

 

Idi fuq sidri, inħoss qalbi dgħajfa;

għadni ma nista' nħoss xejn;

għadni ħaj;

it-tmiem ta' ħajti huwa żgur.

 

Wieħed -

kompletament mitluf,

mingħajr ma kelli ġirja tajba,

ma ksibt xejn;

forsi xi darba nara x-xemx ta' nofsillejl.

 

Tnejn -

Naħseb dwar ħajja u dak li kont naf,

l-hena kollha splodiet;

hassejtni tradita, u l-memorji kollha tellgħu,

qatt ma sibt avvanz.

 

Tlieta -

Fallejt, u l-ħajja ttrattatni b'mod krudili,

lanqas ħjiel ta' x'jista' jkun;

bl-imħabba, qatt ma kont devota,

is-sess biss kien iċ-ċavetta tal-kontroll tiegħi.

 

Erbgħa -

Mal-kumpanija tan-nisa, kont il-gwida tagħhom;

ittrattawni tajjeb mingħajr ħjiel ta' mhabba;

b'dan, kont kuntent; fuq bl-imħabba, qatt ma tkellimna,

minflok, gawdejna ġisimna fil-beraħ,

kollox kien tal-ghageb.

 

Ħamsa -

Issa għandi sebgħin sena;

mhux ċert lanqas jekk inhiex ħajja għalkollox;

imma fil-ħajja li baqali, se nipprova nirnexxi.

Nimmissja l-ġisem tan-nisa,

iżda għad għandi x-xewqa sesswali,

bihom f'moħħi, se nibqa' ngħix.

 

Sitta -

Il-borża li kienet mimlija b’qerq saret vojta;

gismi sar ipnotizzat;

il-ħajja saret mingħajr daqqiet stimulanti;

l-emozzjonijiet li ħassejt qatt ma kellhom jitħalltu.

dari mibnija fuq ir-ramel minflok bil-gebel.

 

Sebgħa -

Is-sema tezisti?

Nista nidħol go fiha?

Fejn nista' ndoqq il-vjolin;

akkumpanjat mill-mandolina.

Għadni mtebba' bid-dnub oriġinali!

 

Tmienja -

Dhalt id-dar imħawwad

ma stajtx nara sew;

Il-bieraħ filgħaxija, bqajt barra ghal-hin twil

b'appuntament tajjeb;

li magħha irqadt

nittama biss li ma ħallejtx tqila.

 

Disgħa -

Mhux qed inħossni tajjeb;

fi kliem ieħor, jien ħanżir,

talli xrobt tliet fliexken inbid;

bagħatni barra mil-linja

għall-ġenn, illimitajt.

 

Għaxra -

Ossessjonat minn żmien għal żmien,

b’dik il-mara sabiħa;

minkejja dik ir-riha

Ma nahsibx li kienet fwieha.

 

MHUX ĦAJJA LI QED JGĦIX

 

Saba’ l-kbir u l-werrej tiegħu għafsu fuq mohhu,

id-dipressjoni kienet profonda;

id-dwejjaq kien imdawwar minnu,

anke bl-inbid ma setax jorqod.

 

Il-burdata,

ma kinitx tajba għall-aħħar;

dejjem jara t-taħsir,

moħħu kien qed jitbiegħed;

 

Idu fuq sidru, iħoss qalbu dgħajfa,

ma seta iħoss xejn kien għadu ħaj;

ħaseb biss dwar li jtemm ħajtu,

jieqaf jixrob; forsi jgħix.

 

Imħabbtu kienet imwaqqfa,

bl-għira kienet mimlija;

issa ddestinat li jkollok relazzjoni

fix-xjuħija ta’ tort.

 

Minn wara it-tieqa jara kull tip ta’ nisa jgħaddu,

xi wħud iġegħluh jinsa li kien xih;

l-unika fantasija tiegħu tintemm fil-holm

iżda l-kanzunetti ma’ tkantat qatt izjed.

 

QSIM TAL-ĦAJJA GĦAL PEDOFILU

 

Sebħ magnifika, il-qamar sparixxa,

il-munita waqgħet, għax in-numru tiegħu kien imsejjaħ;

ma kellu l-ebda ġustifikazzjoni biex jilmenta,

hekk kif qalbu eżawriet, it-taħbit waqaf.

 

Għalih, il-qanpiena daqqet għall-aħħar darba!

id-dawl intefa, u wasal id-dlam;

m'hemmx bżonn ta' niket, biss tislima medjokri

ix-xnigħat segwewh tul il-proċess kollu, iżda baqa' ħaj.

 

Hadd ma bgħatlu fjuri u forsi kuruni tax-xewk,

aċċerta ruħu li l-mewt tiġi għalih wiċċ imb wiċċ

ma nstabu l-ebda noti ta' suwiċidju, u l-investigazzjoni ntemmet

ma setax jgħix aktar b'dak id-diżunur.

 

Instab mejjet,

il-katavru ma kienx attraenti;

hara mxerred fl-art tahtu,

u ġismu mdendel mis-saqaf.

 

TMIEM TA’……

 

Wasalt fit-tmiem stennejt il-ħelsien ghal zmien twil

se ninħeles mit-tbatija li ġarrabt

mingħajr paċi

fejn l-imħabba waqfet

l-imħabba ma nbidlitx

fejn marru jindifnu?

 

Meta l-imħabba ddgħajfet

il-granet imtlew b’dell skur

dellijiet krudili komplew jikbru madwari

hsibijiet imdejqin

hajja mingħajr ferħ

ghixien okkuppat bil-ħażen.

 

M’hemmx ħin għall-eżultazzjoni

Imħabba, qatt ma nerġa’naraha

fornikazzjoni fid-devjazzjoni

bil-kundanna lustuża li minnha kelli nastjeni

bhima u inuman kont sirt.

 

MISTOQSIJIET

 

Fejn jinsab ir-rispet

Fejn hi l-kompassjoni f'għajnejja                           

Fejn nisma' lingwi ta' mħabba sinifikanti

Fejn se nduq kliem sinifikanti x'nitkellem dwaru

 

L-istennija u x-xewqa għal-laħam tagħhom huma ġusti

Il-fornikazzjoni hija sodisfaċenti għalih u għaliha

L-infedeltà hija l-aktar kawża komuni

Iż-żwieġ jiswa mument ta' pawża

 

Għaliex l-għira hija moħbija daqshekk bir-reqqa ġewwa

Għaliex it-tfal huma molestati mil girien, qassisin u qraba                                  

Għaliex, nistaqsi, ħajti hija fid-disperazzjoni

Għaliex kont wieħed minn dawk it-tfal li kellhom bżonn imħabba u kura

 

Dawn il-mistoqsijiet jeħtieġu tweġibiet u spjegazzjonijiet                

Għandna bżonn nissalvagwardjaw il-ġenerazzjonijiet futuri tagħna.

 

IMĦABBA SIEKTA

​

Ngħixu f'dinja nieqsa mill-kura

fejn qlub mimlija bl-uġigħ;

bħalma dawk li jabbużaw jissograw b'mod terribbli

il-vittmi tagħhom m'għandhomx ħin biex jilmentaw.

 

Qatt ma kien hemm paċi, miftuħa u mgħixuta

il-mibegħda ħakmet waqt li l-imħabba siktet.