MANUVRA FIL-KAROZZA

 

Is-seħer ta’ Romejo qabad lill Guljetta li kienet vergni,

meta kienet fil-karozza, wriha z-zalzetta;

sorprizakważi ħassa ħażin  

“Dik iz-zalzetta twila wisq”, qaltu waqt li poggiet bilqiegħda,

Il-pulizija li kien  fuq ronda arresta lil Romejo minnufiħ.

​

L’ANTITEŻI TAGĦHOM

(Ħaibun)

 

Rajt lil hinn mill-eku tal-qalb mudlama, fejn l-emozzjonijiet

orribbli jduru mingħajr mira. Waqt li javanzaw lejn b'għan rivoltanti biex jidderieġu mingħajr ma jinnutaw xi bidliet fl-antiteżi tagħhom, mingħajr għarfien, jew ambigwità jew oskurità.

 

biex dejjem tikkontradixxi

titkellem ma' mħuħ ostinati

id-dilemma ssir opposta u inflessibbli

 

BUFFU GĦAL-GĦOXRIN DARBA

 

Buffu li kont u għadni,

fi kliem ieħor paxxejt nies bil-ħmerijiet li għamlt,

f’din id-dinja telidt biex indahhaq  u naqa’ għannejk;

iblah eżuberanti,

eċċitat u ngħix b’mod kapriċċjuż.

Ma għandi l-ebda skeletri fl’ armarju

ma jimpurtanix mill-insolenti u ma nibżax mit-theddid.

 

Meta xi nies ixerrdu xnigħat dwari,

Meta xi nies ixerrdu xnigħat dwari u jfixklu t-triq tas-suċċess, li nakwista,

dan żgur huwa sinjal ta’ twissija..…..

 

Buffu li jien ma nagħtix kas jekk nitqiegħed f'riskju kbir;

xejn mgħandi x’nitlef!

​

EGO PRIMUS

 

Dak kollu li kont

dak kollu li jien

dak kollu li se nkun … …

 

L-ewwel jien qabel kulħadd

​

GĦALXIEX QED NGĦIX?

(ĦAIBUN)

 

Ħafna nies jistaqsu dan, imma jien, jien serju ħafna dwarha. Seba’ darbiet ippruvajt nagħmel suwiċidju u seba’ darbiet fallejt.

 

Għaliex?

 

Għax fil-verità kont qed niddependi minn marti biex teħlisni, għalkemm l-ewwel darba qalet li kont mejjet għal ftit minuti, imma rxoxtawni fl-isptar. (Ma niftakar xejn), qed nikwota lil marti!

 

Il-kura kollha, kulma niftakar li meta ħriġt, kont qed nirremetti likwidu iswed. 

Biex toqtol lilek innifsek mhuwiex faċli daqs kemm jidher.

 

Jien beżżiegħ u rrid l-eħfef triq.

Fejn nista’ nsibha?

 

“Is-Silenzju Huwa Deheb” hekk kantaw it-Tremeloes;

“Is-Silenzju huwa tad-deheb Imma għajnejja għadhom jaraw

Is-Silenzju huwa tad-deheb, Imma għajnejja għadhom jaraw….”

 

U naturalment. “Il-Ħoss tas-Silenzju” minn Simon and Garfunkel.

“Bongu dlam, ħabib antik tiegħi, ergajt gejt bnitkellem miegħek. Għax viżjoni gdid qed teqreb bilmod u Ħalliet iż-żerriegħa tidhol go fija  waqt li inkunt rieqed, u l-viżjoni li tħawlet f'moħħi għadha tibqa' gewwa l-ħoss tas-silenzju.”

 

Issa xi ngħidu għas-silenzju tiegħi? Huwa l-kawża ta’saħħa kbira ta' qalbi.

Xejn ma jsaħħaħ l-imħabba u r-rispett daqs ilsien sieket. Kemm kliem vili u moqżież joħroġ minnu?

Kulma naf jekk ma nifhimx is-silenzju probabbilment mhux se napprezza u nirrikonoxxi kliemi.

 

L-imħabba vera tistrieħ fis-silenzju tal-moħħ u tal-qalb. L-imħabba u l-passjoni huma għall-essenza; dak li n-nifs huwa għall-pulmuni; dak li n-nutriment huwa għall-ġisem; u l-ilma huwa għall-għatx.

Nista' nitgħallem aktar minn mistoqsija traskurata li nistaqsi, imma ma nista qatt nirċievi tweġiba għaqlija.

 

F’ħajti hemm biss mistoqsija waħda imperattiva li nixtieq it-tweġiba għaliha: -

“X’qed nagħmel ħaj?”

 

Mhijiex mistoqsija prerogattiva, naf, imma liema tweġiba sa nsib? Nieħu tweġiba tal-għaġeb u sensibbli jekk nistaqsi mistoqsija tal-għaġeb u sensibbli? Imma liema mistoqsija u liema tweġiba hemm biex inkun tal-għaġeb u sensibbli?

 

is-silenzju huwa ħabib fidil

is-silenzju qatt ma jittradixxi

is-silenzju jżomm is-silenzju ħaj

​

AKTAR MISTOQSIJIET

 

Mistoqsijiet u aktar mistoqsijiet

Ħa nieqaf minn dawn il-hmerijiet!

Qatt mhu sa nsib il-paċi tal-moħħ

Għax qalbi qed tilghab goff;

Fi kliem ieħor qed ittektek bilmod

B’hekk spiccajt nirtogħod.

Biex moħħi jsib il-paċi   

Niekol kaxxa Baci;

Nuza wkoll immaġinazzjonijiet differenti

Filfatt nużahom frekwenti;

Dawn sempliċement jikkalmawni

U ta’ spiss jisfruttawni u jiddominawni.

​

ĦADD MHU PERFETT

 

Il-baqra pproduċiet litri ta’ ħalib,

iżda l-klijenti lmentaw li ma kienx xkumat

​

KUNĊERT TAL-AĦĦAR JEW SINFONIJA GĦALL-INQAS

 

Il-kordi tal-vjolin kienu jheddu,

imħalltin mat-tgergir ta’ wġigħ,

melodija ta’ niket  hekk kif l-irmied jinfed l-art

u l-ħoss tas-skiet jinstema’ b’mod orribbli.

 

Doqqli kunċert ċkejken

u imlieni b’ħsibijiet makabri!

 

Qed immut, qed immut … …

 

Sħab skur kopra s-sema hekk kif il-vjolin daqq għall-mejtin,

u kull ma kont lissint kienet ‘requiescat in pace’.

Saħħa lill biża’ u lir-rogħda,

iż-żminijiet ħorox u l-armonija mitlufa.

 

Doqqli sinfonija żgħira

u imla qalbi b’imħabba makabra!

 

Qabel ma mmut, qabel ma mmut!

​

STIMA KBIRA

 

Kemm hu profond ir-rispett lejn r-razez,

il-kulur u t-twemmin kollha?

Għalkemm il-ħuta xorta tibqa’ fil-baħar.

 

Jien raġel kwiet?

Intelliġenti biżżejjed jew aktar ikkumplikat milli nidher?

Il-ħtieġa għall-imħabba hija fundamentali... ...

Hija essenzjali daqs il-ħtieġa għall-arja, l-ilma u l-ikel?

​

ILMA TA’ ĦAJTI

 

Liema ilma hemm għalija biex innaddaf lil ruhi?

Il-ħajja li ngħix tixbah oċean;

L-għadis fil-baħar huwa sabiħ,

imma naf ukoll kemm hu fond!

 

Kemm hi fonda l-imħabba tiegħi?

Kemm hi fonda t-twemmin fl-ugwaljanza?

​

MINN ESTREMU GĦALL-IEĦOR

 

Bniedem fanatiku  jsir estrem,

jagħmel azzjonijiet eċċezzjonalment kruċjali,

u  jżomm ix-xenqa għal atti ta’ xewqtu.

​

GĦALL-INFERN IMMUR

 

Se nitlaq b’diżappunt u biża’!

qatt ma nerġa’ nirkupra,

deher il-labirint stramb,

wasal jum il-ġudizzju tiegħi. 

 

U minn id l-iskop tal-ħajja malajr se nitneħħa,

nindiffen bid-dispjaċir kbir;

f’palazz imwaqqa’ ta’ retribuzzjonijiet.

​

WARA KOLLOX MHUX DAQSHEKK ĦELWA

 

Il-vendetta mhix it-tweġiba

dak li għamluli l-ħsara għandhom jitħallsu; 

mhux bil-vjolenza iżda bis-silenzju,

Għax jekk infittex vendetta, irridu nipprepara żewġ oqbra … …

… … waħda minnhom għalija wkoll.

 

Naf li l-vendetta hija influwenza qawwija mimlija ħsara.